演員郭少芸，郭少芸個人資料，郭少芸圖片
演員郭少芸，郭少芸個人資料，郭少芸圖片
中文名：郭少芸
外文名：Florence Kwok
國籍：中國
民族：漢
出生地：香港
出生日期：1972年8月25日
身高：168厘米
體重：52kg
星座：處女座
生肖：鼠
語言：粵語、英語、國語
職業：演員
經紀公司：TVB
代表作品：《豬扒大聯盟》《恨鎖金瓶》《楊貴妃》《珠光寶氣》
主要成就：1992年香港小姐十五名
郭少芸圖片
郭少芸資料
郭少芸，香港藝人，於1992年參加香港小姐而加入無線電視成為藝員，演出過不少為人熟悉的角色，在多部劇集如《錦繡良緣》、《法證先鋒》中均有不俗的表現，最新作品是《學警出更》一劇中飾演湯靜雅一角。郭少芸參加香港小姐選舉時，曾進入決賽，雖然沒有取得什麼頭銜，但她的「煙視媚行」給觀眾留下了很深的印象。加入娛樂圈後，郭少芸一直晝夜不分地埋頭拍戲。兩部劇之間的空檔重過白領生涯，到其朋友的公司幫手，學習電腦上網。 郭少芸與無線的合約已結束，她「轉型」變成圈外人，到其姐姐的製作公司擔任幕後工作。
從業經歷
1992年香港小姐十五名，同年簽約成為TVB合約演員
1995年成為TVB全經理人合約演員糊里糊塗參加港姐，唔知點解變成大熱門，更加諗極唔明點解會落選，之後TVB找她去試鏡。
「所謂試鏡即系試戲，那時邊識做戲，總之系做得好差啦，但唔知點解佢又簽我，可能佢地睇到我有潛質。講真由選美至試鏡，我都系見步行步，完全無諗過點行，但簽約那一刻，我開始認真咁諗：『咦！真喎！簽唔簽好呢？嘩！得六千蚊人工咋，人工起碼減一半。郭少芸，你玩唔玩先？唉！死就死啦，我大把青春。」落筆一簽，就飲了三年清啤，「淡而無味。」
「入行第一年，真系一年都開唔到十日工，那地日子真繫好頹廢，唔系訓就系食，一系就去行街，那種感覺真繫好墮落，連阿媽見我喺屋企日日無所事事，都忍唔往開口話我：『後生女好好地有白領唔做，學乜人走去做明星哉？荒廢光陰、荒廢青春！』鬼唔知咩，但我一簽就三年約，仲要做多兩年廢人，況且我大把青春嘛，咁咪同自己講愈墮落愈快樂囉。」
邊做邊學。做了廢人兩年，以為多等一年就結束噩夢，這個時候TVB有人找她回去拍劇，思前想後，花了兩年時間等，就是想等這一日，反正不拍也是無聊過日子，終於疊埋心水開工。
第一部電視劇，她飾演王偉的情婦，面對一個表現自己的機會，她卻望著眼前大佢一截的男人想「點呀？佢做得我老竇喎，點同佢談情哉，點樣向佢嗲哉，根本就做唔到個feel，換轉系郭富城咁咪做到囉。」處女作表現不佳，以為就此玩完，不過又pass，繼續有工開，由唔識做變到識得做。
在TVB十年，代表作有《大鬧廣昌隆》、《錦繡良緣》，前者飾演倀雞英，後者飾演少奶奶，飾演的都是惡死女人，也許角色太深入民心，從此每次提起郭少芸，觀眾也會想到「好寸」、「好惡」，但每次她再演繹同類角色，又覺得她做得好，從此「惡女人」就等於郭少芸。
郭少芸約滿TVB，剛巧胞姊又找她幫手打理生意，又再思前想後，被人踢一踢、郁一郁，想學多一點點，於是放下一切，想重新開始，做個普通的OL，以為起碼唔使再飲清啤咁淡，但仲衰，那系杯威士忌，「苦到死」。 就這樣隱姓埋名過了四年苦日子，趁餐廳租約期滿，郭少芸決定做回藝人，反正這是人家經常提起的身份。 「做唔到普通人，咁咪做番藝人，當時打個電話俾珍姐（TVB製作部副總監曾勵珍），咁就好快返TVB。不過返到將軍澳廣播城後，第一個感覺系人生路不熟，邊度系化妝間？邊度系canteen？嘩！原來仲可以用八達通，一切一切都好新鮮。可以講，復出好開心，唯一系錯做纖體代言人！」
凡人難做
四年前，郭少芸約滿TVB，剛巧胞姊又找她幫手打理生意，又再思前想後，被人踢一踢、郁一郁，想學多一點點，於是放下一切，想重新開始，做個普通的OL，以為起碼唔使再飲清啤咁淡，但仲衰，那系杯威士忌，「苦到死」。
「呢四年真繫好痛苦！根本無人當我系普通人，令我被隔絕，令我好孤單。例如我同班同事去食飯，點知個侍應搵我簽名後，我那同事就話：『點解我又系食雞髀（雞腿）飯，你又系食雞髀飯，仲你嘅碟大D！』從同事的眼神、語氣，我感受到佢地好怕我，怕我為佢地惹來麻煩。」
有努力地改善關係嗎？「其實又好難怪佢地，我系佢地啲話，我都會諗：『佢系明星喎，佢實食慣ge，我地食茶餐廳咋，咁cheap點會啱佢，唔好叫佢食飯啦。』、『同佢食飯咁張揚，一陣俾狗仔隊影相點算？』唉！無人同我食飯，咁咪日日捱飯盒囉。你話！一個friend都無，點會唔寂寞、唔孤單？」孤單可以頂，但當客戶知道她以前是藝人，就會在言談間質疑她的工作能力，對於這樣的情況，她最難受，「佢地會覺得我仲系藝人，藝人即系花瓶啦，花瓶即系唔識做啦！結果呢？又要再想辦法。」
隱瞞身份
其後，她開了一間專門食羊的餐廳，由藝人轉做老闆，理應有助生意，起碼有人識，可以做生招牌，但情況又是笑中有淚。
「記得有日落去做waitress，那客一見到我就話：『你個樣好似郭少芸，唔系！你真系郭少芸！』然後佢好驚咁周圍望，原來佢以為電視台玩偷拍！自此我就意識到，我落樓面會太張揚，會搞到客人唔自在。」
03年，SARS襲港，市道蕭條，人人口罩不離面，卻令郭少芸大解脫，「生意？當然差啦！但我一戴上口罩，終於可以做番普通人，我唔再系藝人郭少芸，我系普通人嘅郭少芸。記得有一次，有個男客幫襯，佢一見到我就話：『你只眼好似郭少芸，有沒人話你似郭少芸？咦！你把聲都好似喎。其實唔識佢ge，你唔信呀？』我根本唔識佢，佢點會識我哉，咁我咪無篤爆佢囉。」
事隔數日，那位男客人又來幫襯，然後取出一張合照，「嘩！我一睇，真系我同佢嘅合照，原來佢安排過我登台，所以同我影過合照囉。不過我始終都沒除口罩，所以佢一直唔知我系郭少芸。我怕我表露身份，佢會以為我玩佢！」
忘記前塵
就這樣隱姓埋名過了四年苦日子，趁餐廳租約期滿，郭少芸決定做回藝人，反正這是人家經常提起的身份。
「做唔到普通人，咁咪做番藝人，當時打個電話俾珍姐（TVB製作部副總監曾勵珍），咁就好快返TVB。不過返到將軍澳廣播城後，第一個感覺系人生路不熟，邊度系化妝間？邊度系canteen？嘩！原來仲可以用八達通，一切一切都好新鮮。可以講，復出好開心，唯一系錯做纖體代言人！」
年初，有雜誌刊登了郭少芸的纖體露毛相，那次她很激氣，氣得實時解約，「我唔想再提，唔開心事，最好忘記，咁唔系最好咩！」可以忘記不快，但感到後悔嗎？「經歷每一件事都學到野，好似退出那四年，雖然真繫好痛苦，但豐富我嘅人生，例如以前做藝人，只會諗自己一面，但做OL（廣告業）時，我要做幕後工作，先知做幕後好辛苦，所以依家我會體諒人地多一點！
說到復出目標，郭少芸眼神一轉：「無乜！總之有路就走，人生總有高低，珍惜現在最緊要。」